Signature campaign alang sa gipangayong clemency, gisugdan na sa mga ginikanan ni Mary Jane Veloso

BUTUAN CITY – Gisugdan na kaganinang buntag sa mga ginikanan ni Mary Jane Veloso nga sila Caesar ug Celia, ang paglusad og signature campaign sa may National Shrine of Our Mother of Perpetual Help sa Baclaran.

Kini aron ipanawagan kang  Pangulong Ferdinand ‘Bongbong’ Marcos Jr. ang paghatag na dayon og clemency sa ilang anak.

Madumdumang gibalhin gilayon si Mary Jane ngadto sa Correctional Institution for Women sa Mandaluyong City human siya gibuhian sa kagamhanan sa Indonesia ug mi-abot sa Pilipinas, pila ka tuig sukad niya giserbsiyuhan ang death penalty nga mugna sa nakuha gikan kaniya nga 2.6-kilos nga heroine.