BUTUAN CITY -Nabasa na ni political analyst Atty. James Reserva nga dili mulampos ang tinguha sa House Quad Committee nga mapanubag ang kanhi administrasyong Duterte sa natigayong extra judicial killings sa pagpatuman sa war on drugs.
Kini human girekomenda sa Quad Comm ang pagpasaka og mga kaso batuk nila kanhi Pangulong Rodrigo Duterte, ug Senador Ronald ‘Bato’ dela Rosa ug Bong Go, tungod sa mga kamatay nga mugna matud pa sa drug war atol sa Duterte administration.
Una nang gibutyag ni QuadComm lead chairperson ug Surigao del Norte Rep. Ace Barbers nga gilapas nila Duterte, dela Rosa ug Go ang Republic 9851 kon mas nailang Philippine Act on Crimes Against International Humanitarian Law, Genocide and Other Crimes Against Humanity.
Sigon ni Atty. Reserva ang gipasi-atab sa komite nga imbestigasyon nga migasto na og dako ug nag-usik lang usab sa panahon, dili makonsiderang investigation in-aid of legislation kondili aron lang pag-irok sa mga Duterte kansa klaro nga makonsiderang political tactics.
Dili na matud pa kini mulampos ilabina nga ang ilang mga witnesses, kwestyunable ang kridibilidad ug wala pa’y mapakitang saktong ebidensya.
