BUTUAN CITY – Wala kaayo mabati ang epekto ni bagyong Quirobin nga karun mibalik sna pagka-low pressure area dinhe sa rehiyon sa Caraga.
Kini ang dakong gipasalamat ni Ronald Briol, tigpamaba sa Office of the Civil Defence Caraga sa pakighinabi ning sibyahan.
Sumala pa sa opisyal, sa gihimong pre-disaster risk assessment meeting, dunay 68 ka lugar nga delikado sa pagdahili sa yuta apan gipasalamat niini ang maayong lakat sa panahon kagahapon.
Samtang wala sila’y nadawat nga reporeet nga duna’y namakwit tungod sa bagyo.
Ang ilang gitutukan lang sa pag-monitor ang pagsaka sa lebel sa tubig sa Agusan River diin didto sa lungsod sa Bunawan sa Agusan Del Sur, ni-abot kini sa critical level apan mi-ubos ra usab.
Gibutyag usab ni Briol nga naka-white alert status karun ang tanang mga lokal nga kagamhanan nga boot pasabot, anaa sa standby mode.
Apan giklaro niini nga 24-7 silang nag-monitor dayung abiso sa katawhang nagpuyo sa lugar nga prone sa landslides ug flashfloods ilabina kay gilauman ang pag-ulan nga masinatian.
