BUTUAN CITY – Padayon nga mibaha ang pagtimbaya sa Milwaukee Bucks human sa kampeonato niini sa NBA Cup 2024.
Daghang mga NBA legends ug mga player ang nagpa-abot sa ilang pagtimbaya sa koponan human makab-ot ang ikaduhang NBA Cup trophy sa kasaysayan sa liga.
Sa finals sa NBA Cup 2024 gitambakan sa Bucks ang Oklahoma City Thunder og 16 puntos. Sa unang katunga sa dula, labaw ang Bucks og usa ka punto, 51 – 50 sa pagpanguna ni 2-time NBA MVP Giannis Antetokounmpo nga mikamada og 14 puntos ug unom ka rebounds sulod lang sa 19 minutos.
Gitabangan siya ni Damian Lillard nga nagbu-bo og 12 puntos ug upat ka assists. Pagsulod sa 2nd half, gipadayon pa sa Bucks ang pagdomina sa dula ug miabot sa 20 puntos ang labaw sa mga unang minuto sa 4th quarter.
Mihimo og bigtime performance si Giannis Antetokounmpo pinaagi sa triple-double nga 26 puntos, 18 rebounds og 10 ka assist.
MItabang usab ang 3-point star nga si Damian Lillard nga dunay 23 puntos. Gitapos sa Bucks ang dula sa score nga 97 – 81.
Kini ang ikaduhang edisyon sa NBA Cup human kini gisugdan sa nakalabay nga tuig diin napadulong sa Los Angeles Lakers ang unang championship trophy.
Sa ilalom sa NBA Cup, ang matag player sa champion nga koponan makadawat og tag-500-mil dolyares samtang ang mga player sa 1st runner up team makadawat og tag – 205-mil 988 dolyares.
