BUTUAN CITY – Girekomenda sa Commission on Audit kon COA ang pagpatuman og mas istriktong mga lakang apil na ang pag-hold sa mga sweldo ug pagpahamtang og mga penalties batuk sa mga opisyal sa Department of Education (DepEd) nga napakyas pag-liquidate sa mga cash advances kon CAs nga misuma-total sa 6.96-bilyunes pisos as of December 31, 2023.
Sa ilang 2023 Annual Audit Report, gipalagan sa COA ang kapakyas sa DepEd pagsunod sa balaud ug mga regulasyon nga maoy hinungdan sa nagtapun-og nga cash advances. Apil sa mga nag-una nilang deficiencies ang pagtugot sa CAs nga wala’y saktong authority, pag-transfer sa mga pundo tali sa mga accountable officers kon AOs, kapakyas sa saktong pag-bond sa mga AOs ingon man pagbayad sa mga galastuhan sama sa Service Recognition Incentives (SRI) pinaagi sa mga CAs inay nga direktang bayad.
Base sa report, ang mga rehiyon nga duna’y pinakataas nga unliquidated balances gilangkuban sa
Region 7VII (Central Visayas) : P1.31 billion
Region 8VIII (Eastern Visayas): P1.01 billion
Region 12XII (SOCCSKSARGEN): P819.4 million
Region 9IX (Zamboanga Peninsula):P 537.1 million
Region 6VI (Western Visayas) : P513.9 million ug ang
NCR (National Capital Region): nga duna’y P301.9 million.
Tungod niini, girekomenda sa COA ang paghunong na sa pag-grant sa mga bag-ong cash advances ngadto sa mga opisyal nga duna’y pending balances, pag-isyu og mga demand letters ngadto sa mga aktibong empleyado nga muhimo gayod og compel liquidation, pag-hold sa sweldo ug mga dues ngadto sa mga delingkwenteng accountable officers kon AOs hangtud nga ma-settle na ang ilang obligasyon.
Kinahanglang magpatuman usab og mga penalties ilalom sa rules for delays sa Civil Service Commission (CSC), ug pag-write off ang mga dormant accounts nga kapin dekada nang wala maresolba.
Nakalatid usab sa report ang pipila ka mga kaso, mga outstanding balances nga nalambigit sa mga miretiro nang accountable officers, nawala human nag-AWOL, o namalhin na nga mas naka-complicate sa recovery process.
