BUTUAN CITY – Anaa na sa prevention crises ang nasud sa Pilipinas sa hisgutanang pagtubag sa nagpadayong nagkataas nga HIV Cases.
Sigon ni Anthony Torralba, regional Program Officer sa Sustained Health Initiatives of the Philippines kon SHIP nga dako karun ang problema sa prevention og education gikan sa sulod sa panimalay ngadto sa akademya lakip na niini ang media.
Sumala pa ni Torralba nga dinhe sa Caraga mas taas ang naabot sa media ilabina ang kanunay nga pakig-partner sa Bombo radyo Butuan.
Pamatood matud pa niini ang usa ka magtutungha sa kolihiyo dinhe sa siyudad nga lakip sa unom ka indibidwal nga nagpa-test human nakadungog sa Bombo Radyo Butuan nga interview ngadto kanila.
Wala matud pa kini natutukan nga information campaign sa tunghaan.
Tungod niini, hugot nga gituktuk ni Torralba ang Department of Education og Commission on Higher Education nga mo-aksiyon na og pakusgan ang diskusyon mahitungod sa HIV.
Kini ilabina kay nagkataas karun dinhe sa Caraga ang populasyon sa HIV Cases diha sa age bracket nga 15 years old ngadto sa 22 -anyos.
Gane dakong problema nila karun nga ma-trace ang mga sexual partners sa tulo ka batan-on nga nagpositibo sa HIV sa nakalabay nga adlaw lang. Kini tungod kay ang ilang mga partners dili nila pasyente og nakahimo pag-multiple sexual partners.
