BUTUAN CITY – Gikumpirma ni Vice President sa pinaka-ulahi niyang posted video online nga gigamit siya isip punching bag sa pamilya Marcos ug sa mga alipores niini aron tabunan ang ilang gihimong mga binuang ug pagpangurakot samtang nangatungdanan sa gobyerno.
Tungod kay wala matud pa sila’y makitang sayop kaniya, tawgon na lang siya nga krung-krung rason sa subli niyang pagpadayag nga andam siyang mupa-ilalom sa psychological test ug uban pang mga tests, basta mupa-ilalom usab sa drug test ang mga nagpalibot sa Malakanyang.
Iyang gipagawagan sa katawhan nga sukton ang saad sa pangulo atol sa pagpangampanya ilabina ang saad nga himuong 20-pisos ang matag-kilo sa bugas. Giklaro usab niini nga tarong siyang nagtrabaho apan gibastos siya sa mga la-ug sa gahom rason nga iyang gi-awhag ang tanang mga government officials nga silang tanan magpa-test atubangan sa publiko aron masuta kung kinsa ang mga tarong nga opisyal sa gobyerno.
Dugang pa ni VP Sara, dili siya hunungan paggukod sa mga anaa sa linya sa mga Marcoses tungod kay dili man niya sundon ang ilang mga gusto ug dili usab siya mapalit og kwarta tungod kay sama sa uban nga anad na sa kapobrehon, dili siya mabayluan og bisan unsa dayong butyag nga tinguha lang niya ang malinawong asembliya alang sa kagawasan sa pagpadayag.
