BUTUAN CITY – Gikumpirma ni Vice President Sara Duterte sa gipagawas niining bulletin nga gitugutan siya sa iyang Chief of Staff nga si Atty. Zuleika Lopez nga maka uli una ug makita ang iyang mga anak.
Sigon ni VP Sara nga ang mopuli kaniya para magbantay mao si Senator Bong Go.
Dugang pa sa ikaduhang pangulo nga mobalik siya unyang gabi-i sa Veterans Memorial Medical Center (VMMC).
Kasamtangang naka confine sa VMMC si Lopez human nawad-an og panimoot ug nakabaton og panic attack.
Kung mahinumduman, gibutyag sa PNP doctor nga maayo ang kondisyon ni Lopez tungod kay normal ang iyang mga vital signs.
Samtang sigon ni Senator Ronald Dela Rosa nga ang kasamtangang kondisyon ni Atty Lopez “traumatized” tungod sa pagbalhin sa iyang detention facility.
Sumala ni Dela Rosa nga nahadlok si Lopez nga ibalhin siya sa Women’s Correctional sa Mandaluyong City rasong gibantayan nila ni Sen. Bong Go.
