BUTUAN CITY – Dako ang pagtoo sa fashion stylist/ designer ug beauty pageant analyst Klevin Bartolaba, nga ang number 1 factor sa kada-ugan sa pambato sa Denmark sa Miss Universe 2024 nga gipahigayon sa Mexico mao ang batasan.
Pa-ambit pa ni Bartolaba, dili ikalilong ang ka-anyag sa tanang mga kanidata ilabina sa top 5 apan gawas nga bet nang daan ang Denmark sa mga organizers, judges ug crowd, ang batasan ni Victoria Theilvig nga very open og trainable ang nakita niining factor sa iyang kadaugan.
Gikonsidera matud pa ang work ethics ug ang batasan sa mga beauty pageants ilabina kay usa ka tuig magtrabaho ang Miss Universe ug dili pwede ang langayan sa maong trabaho.
Gipa-ambit pa niini nga ang iyang nagustuhang modaug sa Top 5 mao ang Nigeria ug ang Thailand. Kini bisan pa man nga number prediction ang Miss Denmark sa mga preliminary rounds.
