BUTUAN CITY – Mihangyo si Pangulong Ferdinand ‘Bongbong’ Marcos Jr. ngadto sa mga membro sa media nga mutabang aron masiguro limpyo, matinud-anon ug transparent nga midterm elections sunod tuig ug bantayan ang demokrasya sa atong nasud.
Sa iyang pagpamulong atol sa 50th Top Level Management Conference (TLMC) nga gil-organisa sa Kapisanan ng mga Brodkaster the Pilipinas (KBP) sa Tagaytay City, gisubli ni Pangulong Marcos ang iyang commitment nga protektahan ang mga journalists dihang iyang gipa-ambit ang tinguha sa summit na palig-unon ang pagsalig ug pagbantay sa kagawasan sa Pilipinas.
Gisaysay usab sa presidente ang kamahinugdanon sa partnership sa KBP ngadto sa Parish Pastoral Council for Responsible Voting kon PPCRV aron makatabang pag-promote ug pagsiguro sa hapsay, limpyo ug malinawong eleksyon.
Subay niini, gimanduan sa pangulo ang bag-ong gitudlong si Presidential Task Force on Media Security kon PTFOMS Executive Director Jose Torres kondiin chairman ang kalihim sa Department of Justice nga dalion ug pakusgan ang ilang mga operasyon alang sa umalabot nga 2025 midterm elections.
Gipatutukan sa pangulo ang mga local media, kansang wala’y kahadlok nga coverage maoy naghimo kanilang vulnerable ngadto sa mga hulga sa kinabuhi, kagawasan ug siguridad.
Madumdumang niadtong Abril 27, 1973, na-organisa ang KBP, usa ka non-government ug non-profit organization sa Philippine broadcast media.
