BUTUAN CITY – Masub-anon nga nag-resign si Archbishop of Canterbury Justin Welby tungod sa kapakyas matud pa niini nga segurohon ang tukmang imbestigasyon sa alegasyong pagpangabuso sa usa ka volunteer sa Christian summer camps pila ka dekada na ang milabay.
Nasayran nga si Welby, senior bishop sa Church of England og spiritual leader sa 85 milyones nga Anglicans sa tibook kalibutan, nag-atubang og panawagan nga mokanaog human ang taho nga wala kini gihimo aron pahunongon ang tawo nga mihimo og pagpangabuso og gihulagway nga pinaka-prolific serial abuser.
Sumala sa pamahayag ni Welby, gika-ulaw niya ang pakyas nga pagprotektar sa simbahan dayung panghinaot nga ang iyang pag-resign, magpamatood sa ka-seryoso sa Church of England nga mumugna og mas luwas nga simbahan.
