BUTUAN CITY – Giklaro sa Department of Science and Technology kon DOST nga dili maka-apektu sa usag-usa ang bagyong Nika sa bagyong Ofel nga nakasulod na sa Philippine Area of Responsibility kon PAR kaganinang alas-tres sa kaadlawon samtang laing usa ka bagyo ang padayon pang gibantayan gawas sa PAR lines nga kung makasulod, tawgon og bagyong Pepito.
Sumala ni Engr. Chris Perez, Officer-in-charge sa weather division sa Philippine Atmospheric, Geophysical and Astronomical Services Administration kon PAGASA, hilabihan kalagyo ang tulo ka weather systems aron maka-apekto sa usag-usa human nakagawas kagabii ang bagyong Nika. Dili usab ma-apektuhan ang lihok ug direksiyon sa matag-usa bisan pa nga sunod-sunod kining mahimong bagyo.
Sumala usab ni Dr. Marcelino Villaguerte II, deputy administrator for research and development sa maong weather agency, bisan og pareho lang ang gisubay sa tulo ka mga bagyo wala nagpasabot nga na-impluwensiyahan nila ang matag-usa.
Kasagaran lang gayud matud pa nga agian ang maong mga lugar rasong padayon nga gipahinumduman ang mga residente nga musunod sa mga abiso sa mga eksperto ilabina sa lokal nga kagamhanan higayong duna’y ipatumang evacuation order.
