BUTUAN CITY – Gikustodiya karon sa Regional Drug Enforcement Unit-13 ang usa ka drug personality human nakuhaan og balor P81,600,.00 atol sa gilusad nga drug buy-bust operation pasado alas-10:26 kagabii sa may Employees Villages Road sa Purok 1, Octagon, Brgy. Obrero ning siyudad sa Butuan.
Nakuha gikan sa posisyon ni Raymond Segocia Acero alyas Mon-Mon, , 34-anyos, ulitawo ug residente sa Purok 5 sa susamang barangay, ang usa ka sachet sa suspected shabu nga maoy buy bust item ug laing tulo ka sachets sa susamang epektos nga ang tanan, mitimbang og 12-gramos apil na ang usa ka libo ka pisos nga buy-bust money.
Gihimo ang operasyon sa hini-usang pwersa sa RDEU-13, Drug Enforcement Unit sa Butuan City Police Station-3 ug Central Intelligence Unit sa Butuan City Police Office.
