BUTUAN CITY – Trending karon sa social media ang usa ka 107-anyos nga lola gikan sa China tungod sa usa ka sungay nga mitubo sa iyang agtang nga gitu-uhang maoy hinungdan sa taas niyang kinabuhi.
Sigon ni ‘Lola Chen,’ ang iyang sungay nga karon duna na’y gitas-ong 4-pulgadas, usa ka pinasahing kondisyon sa panit nga midani og atensyon sa social media tungod sa pagkadani sa mga tawo niini ug sa ilang ka-curious.
Ang susama gayod sa sungay nga usa diay ka kondisyon sa panit, gi-ila sa medical world nga “cutaneous horn,” nga mitubo tungod sa sobra nga keratin, ang susamang protina nga maoy hinungdan sa pagtumaw sa atong buhok ug panit.
Sigon sa mga eksperto, bisan pinasahi kining tan-awon, apan dili kini delikado ug dili usab cancerous.
Ang ingon niini nga kaso ni Lola Chen talagsaon lang ug kasagari, makita diha sa mga edarang tawo ilabina kadtong nag-edad og 60 ngadto sa 70-anyos ug mutubo sa bisan asang parte sa lawas nga expose sa init sa adlaw tungod kay ang ultra-violet kon UV exposure, makaptaas man sa keratin production sa panit
Wala’y intensyon si Lola Chen nga ipatangtang ang maong sungay ilabina nga mao kini ang iyang gitu-uhang hinungdan sa taas niyang kinabuhi.
