BUTUAN CITY – Tulo ka mga tawo ang patay samtang usa ang angol human natabunan sa midahiling yuta ang duha ka balay sa Purok 3, Barangay Maguiron, lungsod sa Guinobatan, Albay ning mi-aging Martes sa alas-8:00 sa gabii, tungod sa kusog nga pagbundak sa ulan nga mugna sa bagyong Kristine.
Sigon ni Barangay Councilor Helen Rasal, nangatulog na matud pa ang mga biktima dihang midahunog ang kusog nga tingog ng gisundan na sa landslide nga milubong sa ilang kabalayan.
Saling miresponde ang mga rescuers sa Municipal Disaster Risk Reduction and Management Office (MDRRMO) ug sa Bureau of Fire Protection (BFP) kondiin nakuha gilayon ang 16-anyos nga apo uban sa 77-anyos niyang lolo ug 50-anyos niyang inahan kondiin dali silang gidala sa ospital apan gideklarang patay ang inahan ug lolo sa biktima.
Samtang mi-abot pa og 15 ka oras adiser narekober ang patay’ng lawas sa usa ka 19-anyos nga dalaga human kini nadat-ugan sa nahugmak nga semento sa ilang pinuy-anan.
Dugang ni Kagawad Rasal, na-andan na sa mga biktima nga mubakwit kung kusog ang bundak sa ulan apan dili kaayo kusog ang uwan sa gabii ng nahitabo ang insidente.
Nasayran nga kini ang unang higayon nga duna’y natigayong landslide sa lugar nga wala gikonsiderang landslide-prone zone.
