BUTUAN CITY – Gitawag ni Vice President Sara Duterte si Justice Secretary Jesus Crispin Remulla nga ignorante sa balaud human ang mga komento niini sa iyang bahad nga kaluton ang patay’ng lawas sa ni anhing Pangulong Ferdinand Marcos Sr. aron iyang ilabay sa West Philippine Sea.
Sa iyang pag-atubang sa mga reporters, gipadayag ni VP Sara nga i-ampo nato ang Pilipinas tungod kay duna kita’y Secretary of Justice nga wala’y alamag sa balaud.
Gibutyag niining duna’y dakong kala-inan sa ‘desecration of a body’ ug ang aktwal nga pag-desecrate sa usa ka patay’ng lawas ug ang paghisgot matud pa sa ‘desecrating a body’ dili matud pa ‘desecration of the dead’.
Nanghinaut pa kini nga isip abogado, masabtan unta dayon ni Remulla ang iyang gipagawas nga pamahayag apan sama matud pa sa gibutyag sa uban, kung paspas ka, duna lang gayo’y tawo nga hinay usab ang pickup sa pulong.
Una nang gibutyag ni Sec. Remulla nga ang pamahayag ni VP Sara makonsiderang wala’y respeto sa handumanan sa namatauy, pagdisturbo sa kalianw sa katapusang pahulayanan sa kanhi diktador ug posible matud pang nakalapas sa moral principles.
Gidugang pa niini nga disturbing matud pa kaayo ug dili tukma ang maong pamahayag sa usa ka besi-presidente.
Tun-an matud pa sa Department of Justice ang mga legal implications nga posibleng ilang mahimo sa pamahayag ni Duterte.
