BUTUAN CITY – Nagpadayag sa iyang kabalaka si Sen. Ronald “Bato” dela Rosa sa ka-importante sa himuong aksyon batuk sa paspas nga pagsaka sa mga illegal drug activities sa nasud pagsulod sa Marcos administration.
Gipadayag kini sa senador sa iyang pagtambong sa Barangay Councilors League of the Philippines (BCLP) Convention nga gipahigayon sa auditorium sa Surigao City, lalawigan sa Surigao del Norte pagpanguna ni BCLP President Kagawad Lydia Ga sa Brgy. Washington.
Ang maong kalihukan gitambungan sa mga barangay councilors gikan sa nagkalain-lain lugar sa probinsiya, uban ang mga key officials kondiin gihisgutan nila ang pagpalambo sa mga barangay kondiin ilang gihisgutan ang “Innovative Approaches to Sustainable Barangay Projects” ingon man ang leadership skills, budget management, ug resource allocation kansa gipresentar sa mga eksperto nga gisundan sa open forum.
Sa pagpamulong ni Senador Bato, gipadayag niini nga kung dili na masumpo ang mga illegal drug activities sa nasud, daghan na ang managan nga mga narco-politicians o kaha mga drug lords nga mag-finance og mga pulitiko rason nga dili na unya layo nga ang mga tag-as nga opisyal sa Pilipinas, mga adik na lahos ngadto sa presidente.
Tema sa maong convention ang “Unity in Diversity: The Role of Barangays in Fostering Inclusivity.”
