BUTUAN CITY – Pasakaan na og mga kasong murder ug physical Injury ang usa ka pasyente sa Bohol Doctors Hospital human niini gidunggab-patay ang usa ka nurse samtang angol usab sa susamang hitabo ang usa ka utility worker.
Gi-ila ni Tagbilaran City Police Police Chief Lt. Col. John Kareen Escober, ang namatay nga biktimang si alyas Marie, 51-anyos, residente sa Brgy. Dao sa Tagbilaran City samtang ang angol nga utility worker, naila usab nga si Francis Justiniare, 21-anyos ug residente sa Purok 4, Barangay Cainsican, lungsod sa Inabangan kinsa naka-angkon ug samad-dinunggaban sa tiyan apan anaa na sa luwas nga kahimtang.
Base sa imbestigasyon, ang suspetsadong si Marlito Linguis, 31-anyos, ulitawo ug lumulupyo sa Purok 4, barangay Magsaysay sa lungsod sa Sevilla sa probinsya sa Bohol, pa-discharge pasado alas-9:45 sa buntag ug dihang mibayad na ang kauban niini, didto na kini nagmaoy human nga wala matud pa niini ma-angayi ang gibuhiang istorya sa nurse.
Narekober sa mga otoridad sa crime scene ang murder weapons ug nasuta nga drug surrenderer diay si Marlito niadtong tuig 2016 atol sa lapad nga Oplan Tokhang sa nasud.
