BUTUAN CITY – Ubay-ubay nga mga shabu, armas, bala ingon man hand grenades ang nakumpiska sa ginsakpan sa Agusan del Norte Provincial Mobile Force Company sa mas gipakusgan nilang checkpoint sa District-6, Barangay Camagong, lungsod sa Nasipit, Agusan del Norte ning mi-aging gabii.
Kini human gipara sa maong mobile force company ang usa ka kolor maroon nga Toyota Vios nga miresulta sa pagkadiskubre sa mga kontrabando base sa flagrante delicto kon plain view doctrine.
Miresulta kini sa pagka-aresto sa driver nga si alyas Francis, 40-anyos, minyo, residente sa Barangay Rizal, Buenavista, ug alyas Mark, 36-anyos, minyo, pusher ug residente sa P-2, Brgy. Triangulo, lungsod sa Nasipit, parehong sakop ning lalawigan.
Gi-andam na ang tukmang kasong ipasaka batuk kanila.
