BUTUAN CITY – Dakong garbo sa Butuanong negosyante nga si Ma. Isabela Blancas, tag-iya ug founder sa One Closet, nga na-apil siya sa Circle of Excellence awardees sa Asia CEO (Chief Executive Officer) Awards alang ning tuiga.
Sa eksklusibong pakighinabi sa Bombo Radyo Butuan, gipasabot ni Blancas nga ang Asia CEO Awards mao ang pinakadako ug longest-running business award program sa Pilipinas kansa 15 ka tuig nang ginahimo ug suportado sa mga conglomerates ug mga dagkong kompanya.
Ang mga nalakip sa Circle of Excellence mao kadtong walo ka mga negosyong naka-abot final list sa maong Awards kon kadtong mga gipilian susama sa mga nominees alang sa gikahinamang pwesto nga taga-Samar.
Mapasigarbuhong gipa-ambit ni Blancas nga usa sa nagustuhan sa mga judges sa One Closet atol sa screening process, mao ang ilang mga highlights, contributions ug social impact sa ilang produkto diha sa business sector.
Gidayeg matud pa sa mga judges ang ilang business model nga nagdasig sa sharing, recycling sa mga gamit alang sa atong planeta tungod kay kadaghanan sa ilang mga gowns, naggikan sa mga preloved ug nadugangan pa sa ilang mga charity works.
