-- ADVERTISEMENT --
BUTUAN CITY – Kasong paglapas sa Republic Act 9165 kon mas nailang “Comprehensive Dangerous Drugs Act of 2002” ang atubangon sa usa ka barangay kagawad human kini nasikop sa gihimong drug buy-bust operation kagahapon sa hapon sa Purok 3, Brgy. Ilihan, Sibagat, Agusan del Sur.
Nakuha sa mga sakop sa Philippine Drug Enforcement Agency Regional Office kon PDEA-Caraga uban sa Sibagat Municipal Police Station ug Agusan del Sur Police Provincial Office, gikan sa suspetsadong si Joemar Empic, 35-anyos ang balor 10-mil pisos nga kantidad sa suspected shabu ingon man buy-bust money.
Nasayrang niadtong tuig 2016, naaresto na usab kini tungod sa paglapas sa Section 7, Article II sa susamang akta republika apan gibasura kini sa korte.
