BUTUAN CITY – Tumang kasubo pa ang gibati ni Cendy Lamoste human nalumos-patay ang iyang 3-anyos nga anak nga babaye kinsa gipugos pagpananghid kaniya ug sa iyang live-in partner nga ubanon sa pagkaligo sa resort didto sa Brgy. Vinapor, lungsod sa Carmen, Agusan del Norte.
Sa eksklusibong pakighinabi sa Bombo Radyo Butuan, gibutyag niining ang igsoon sa iyang ka-ipon ang nananghid niya nga ubanon ang iyang anak kansa gipanaghid usab ngadto sa yang kaipon nga atua nagtrabaho sa kauluhang Manila rason nga ila kining nadala. Dako na lang ang iyang pagmahay sa nadangatan sa bata nga gitu-uhang na-slide rason sa pagkahulog taliwa nga pambata lang ang parte sa pool diin siya nalumos.
Pulos matud pa mga ig-agaw sa iyang anak ang mga batang anaa lang sa iyang distansya apan wala ma-alinggati ang iyang pagkahulog rason nga wala na kini maluwas pa.
Wala matud pa siya gideretso og sulti sa nadangatan sa iyang anak nga gisammutan pa sa ka-apiki sa signal nga kahitabuan. Bisan pa man, ila gilayong gi-adtuan ang lugar mga beach resorts sa Brgy. Ata-atahon sa Nasipit tungod kay kini ang gipananghid kaniyang ilang ligu-an.
Na-chatan na lang siya nga ipa-adto na sa Nasipit District Hospital ang bata kansa na-abtan na niyang milagom na ug dili na mu-response sa mga gihimo kaniyang medical exam.
