BUTUAN CITY – Gikumpirma ni Butuan City election officer Atty. Tristan Niog nga tulo na ka mga mayoral candidates ang naka-file na sa ilang certificate of candidacy kon COC alang sa posisyon pagka-mayor.
Kini gilangkuban nila Danny Boy Cublan, residente sa Brgy. Taguibo, Florencio Bunal Jr., residente sa Brgy. Taligaman alyas Pobreng Makaluluoy ug ang nagduso og COC kaganina nga si Dickston Morano nga taga-Brgy. Doongan.
Sa eksklusibong pakighinabi sa Bombo Radyo Butuan, gibutyag sa opisyal nga ugmang adlawa pa Lunes hangtud sa katapusang adlaw sa COC filing sa Oktubre 8 adlaw’ng Martes, magdasok ang mga local politicians nga planong magpapili sa May 2025 midterm elections.
Human sa COC filing karong Oktubre 8, ihatud na dayon nila ang maong mga certificates uban sa mga dokumento ngadto sa ilang sentrong buhatan.
Karong tuiga, maglahi na pagsubmite sa mga Certificates of Candidacy ang Commission on Election kon COMELEC-Butuan tungod kay lone district naman kini samtang ang lungsod sa Las Nieves nga sakop nila kaniadto, ibalik na usab ngadto sa lone district sa Agusan del Norte.
