BUTUAN CITY – Nagduso na sa iyang kandidatura pagkasenador si labor leader Atty. Sonny Matula alang sa 2025 midterm elections. Sa iyang pagpamulong human nagduso sa iyang Certificate of Candidacy (COC), gibutyag niining apil sa iyang tutukan ang dugang suhulan sa nasud. Higayong swertihon ug makalingkod sa Senado, trabahuhin niya ang pagprotekta sa mga trabahanteng milangkob sa unyon ug tapuson na ang kontraktwalisasyon.
Gibutyag niining dili dapat kontraktwal ang usa ka trabahante diha sa regular nga trabaho. Iyang gibutyag nga halod napuno na sa dynasty ang balay-baluranan sa Kongreso rason nga panahon na matud pang duna usa’y magdala sa tingog sa mga trabahante.
Higayong mapili matud pa sa maong posisyon, iyang unang trabahuon ang natanggong karon sa sugyot-balaudnon sa kamara alang sa150-pisos nga across the board wage increase ug ang 100-pisos nga na-aprubahan na sa Senado alang sa mga trabahante sa pribadong kompanya.
Iya usab nga tutukan ang pagmugna og trabaho ingon man ang pagtapos sa contractualization.
Madumdumang niadtong 2019 ug 2022, midagan siya sa susamang posisyon apan wla siya giswerte. Si Matula mao ang national president sa Federation of Free Workers ug chairperson sa NAGKAISA Labor Coalition.
