BUTUAN CITY – Mi-ani og pagtimbaya gikan sa mga ka-ubanang boksingero sa nasud ang pagsaka sa ranking sa World Boxing Organization (WBO) ni Pinoy super bantamweight champion Carl Jammes “Wonder Boy” Martin. Base sa gipagawas nga ranking sa WBO, anaa sa number 2 na ang boksingerong taga-Lagaw, Ifugao sunod sa nag-una sa puwesto nga si Japanese sensation Naoya Inoue samtang ikatulo si Sam Goodman.
Duna na’y 24 ka daug ug wala pa’y pildi ingon man 19 knockouts si Martin samtang si Inoue duna’y 28 ka daug ug wala pay pildi ug si Goodman usab, duna’y 19 ka daug og wala pay pildi. Usa karon ka dakong hagit ang matupngan si Inoue kinsa undisputed champion sa upat ka mga major titles sa WBO, World Boxing Council kon WBC, International Boxing Federation kon IBF ug World Boxing Association kon WBA.
Madumdumang niadtong Disyembre, gipatumba ni Martin si Chaiwat Buatkrathok sa Thailand rason nga iyang nakuha ang WBO Global super bantamweight title sa away nga gipahigayon dinhi sa Pilipinas. Pabiling nakatutok karon ang atensyon niya sa title eliminator tungod kay ang Pinoy boxer nga si Marlon Tapales ang nag-unang gitudlong kusog nga maka-atbang ni Inoue.
