BUTUAN CITY – Naka-file na sa ilang certificate of candidacy pagka-Sangguniang Panlalawigan members ang walo ka mga membro sa PDP-Laban, ang partido ni kanhi Pangulong Rodrigo Duterte.
Kini gilangkuban nila Atty. James Reserva, Rodulfo Pitogo, Erwin Dano, Nieva Famador, Viiirgilo Escasiñas Jr., Atty. Ryan Jade Lim, Ray Jamboy ug Francisco Chan.
Sa eksklusibong pakighinabi sa Bombo Radyo Butuan, gibutyag ni Agusan del Norte election supervisor Atty. April Joy Balano nga wala pa’y nagduso og COC aron magpapili alang mas taas nga posisyon ning lalawigan sama sa besi-gobernador, gobernador ug kongresista.
Daan na matud pa kaniadto pa nga sa unang tulo ka adlaw sa COC filing, mingaw gayod ang ilang buhatan, gawas lang kung duna’y mag-file nga mga independent candidates. Sa ilang nasayran, gi-una pa sa mga party leaders ning probinsya ang pag-file og COC sa ilang mga kandidato sa mga munisipyo ug sa Cabadbaran City adiser ang sa provincial level.
Karong layo-layo pa ang deadline alang sa filing sa certificate of candidacy nga himuon sa Oktubre 8, nanawagan siya sa tanang gustong magpapili sa May 2025 midterm elections nga mudalikyat na sa ilang buhatan aron masulbad gilayon ugaling duna’y isyu nga ilang makita sa certificate.
