BUTUAN CITY – Gikumpirma sa Israel Defense Forces kon IDF nga nagsugod na ang ilang limitado, localized ug targeted nga ground operation batuk sa mga militanteng Hezbollah sa southern Lebanon. Sigon sa IDF, ang maong mga targets gikonsidera nilang immediate threat ngadto sa mga komunidad sa Israel.
Una nang gibutyag ni Hezbollah’s deputy leader Naim Qassem nga andam na ang ilang grupo sa usa ka Israeli ground offensive ug posibleng dili usab magdugay ang giyera. Gipadayag niya kini isip unang speech sa usa ka high-ranking Hezbollah official sukad napatay sa Israel ang ilang lider nga si Hassan Nasrallah sa gilusad nga strike sa Beirut.
Samtang didto sa Lebanon, gipadayag sa opisyal nga kapin sa 1,000 ka mga tawo na ang patay sa nakalabay nga duha ka semana samtang milyunes na usab ang nadislokar.
