BUTUAN CITY – Nagmugna ang Food and Drug Administration (FDA) og usa ka technical working group (TWG) aron mapalig-on ang ilang regulasyon sa mga medical devices.
Ang Task Force Obsidian maoy gitahasan sa pag-develop sa mga klaro ug komprehensibong mga palisiya ug guidelines alang sa klasipikasyon sa mga medical devices nga gisubmite alang sa FDA approval.
Sigon ni FDA Spokesperson Pamela Sevilla, ang mga stakeholders, kasagari wala’y alamag sa klasipikasyon sa ilang medical device, hinungdan nga makapili sila nga dili na lang magduso og application ngadto sa FDA.
Alayon niini, ang FDA maglusad og information dissemination aron ma-edukar ang ilang mga kliyente ug mga aplikante kalabot sa mga regulasyon nga makutay ngadto sa Association of Sutheast Asian Nations kon ASEAN Medical Device Directive aron ma-harmonize ang mga medical device regulations, common documents ug ang kalambuan sa implementasyon niini.
Ang Task Force Obsidian mu-assess usab sa mga posibleng risgo sa pagpatuman niini nga mga palisiya ug murekomenda sa corrective measures sa ingon mabantayan ang mga non-compliance.
