BUTUAN CITY – Hangtud karon, pabiling tanghaga alang sa mga netizens ang tinuod nga estado sa relasyon nila Jericho Rosales ug Janine Gutierrez tungod kay human sa ilang panag-uban sa usa ka pelikula, kanunay pa silang makita nga magka-uban. Human sa unang mga lokasyon diin nakita sila sa mga netizens nga magka-uban, dili gihapon mawala sa ilang huna-huna kung unsa ang tinuod nga score nila sa ilang usa’g usa.
Pinaka-ulahi niini ang pagpa-ila ila ni Janine kang Echo ngadto sa iyang pamilya atol sa birthday celebration sa iyang lola nga si Pilita Corrales. Makita sa maong okasyon nga welcome si Echo sa pamilya ni Janine bisan pa man sa estado niini nga buwag sa iyang asawa. Gani, mihatag pa kini og mensahe ngadto sa beteranang singer dayong pahibalo nga siya ang paboritong singer sa iyang amahan.
