BUTUAN CITY – Padayon pang gi-ila sa ginsakpan sa Butuan City Police Office kon BCPO ang identity sa usa ka patay’ng lawas nga napadpad sa kiliran sa Agusan River partikular sa Brgy. Golden Ribbon ning siyudad sa Butuan kagahapon.
Sa pakighinabi sa Bombo Radyo Butuan, gibutyag ni BCPO spokesperson PLt. Crispulo Alburo nga kagahapon pa pang, nakig-alayon na ang ginsakpan nila sa Butuan City Police Station kon BCPS-1 ngadto sa mga kasikbit nga barangay aron pagsuta kung duna ba’y na-missing nilang mga residente.
Suot sa biktima ang sweat shirts color sky blue nga duna’y tatak nga SkyGo ug naka-jogging pants kolor blue nga duna usa’y tatak nga Pilipinas sa kilid. Padayon ang ilang pagpa-abot sa posibleng claimants niining biktima nga gipahimutang sa Mata Funeral Homes sa sentrong bahin ning siyudad.
Wala pa usa’y mi-claim niini nga taga-laing lungsod nga sikbit ning siyudad rason nga posibleng layo ang gigikanan niini.
