-- ADVERTISEMENT --
BUTUAN CITY – Mas gipahugtan pa sa Department of Agriculture ang pagbantay sa probinsya sa Batangas tungod sa pagsaka sa mga kaso sa African swine fever (ASF) kon diin mi-abot na sa walo ka mga lungsod ug siyudad ang nakatala og bag-ong kaso.
Gani nagdeklara na og state of calamity ang mga lungsod sa Lobo ug Calatagan human naatala nga sa lungsod sa Lobo, mi-abot na sa 8,818 ka mga baboy ang namatay hangtud niadtong Hulyo 31 ug halos susamang ihap ra usab ang natala sa Calatagan.
Gibantayan usab ang Lian, Talisay, Rosario, Lipa City, ug San Juan.
Sigon ni Agriculture Assistant Secretary Arnel De Mesa, ang maong mga prayoridad unya sa sa vaccination rollout kontra ASF, sa himuong lapad nga vaccination drive karong buwana.
