BUTUAN CITY – Gipagawas na ni Pangulong Ferdinand Marcos, Jr. ang Executive Order (EO) nga nagtinguhang tas-an ang suweldo ug benepisyo sa mga empleyado sa gobyerno.
Subay sa sa EO 64, apil sa salary adjustment ang tanang mga civilian government personnel sa Executive, Legislative, Judicial Branchessalary increase, Constitutional Commission, mga Constitutional Offices; mga Government-Owned and Controlled Corporations (GOCCs) nga dili sakop sa RA 10149 ug EO 150 series of 2021; ingon man mga local government units — bisan unsa man ang ilang appointment status, regular, contractual o kaha casual, appointive o elective, ug kung full-time o kaha part-time.
Gawas sa updated salary schedule sa government workforce, mudawat usab sila sa ilang tinuig nga medical allowance balor P7,000 gikan sa Fiscal Year 2025 isip subsidiya alang sa ilang health maintenance organization (HMO)-type benefit.
Ang maong Executive Order ipatuman sa upat ka hugna sugod sa Enero 1, ning tugiga alang sa unang hugna samtang Enero 1, 2025 sa ikaduha, ikatulo sa Enero 1, 2026, ug sa Enero 1, 2027 ang ika-upat.
