BUTUAN CITY – Ubay-ubay nga mga Pinoy nga atua sa Paris ang gustong mupakita unta og physical support ngadto sa mga delegado sa Olympic Games 2024 apan tungod sa kamahal sa ticket sa matag-sudlan nga stadium, rason nga anaa lang sa gawas ang kadaghanan sa mga Pinoy.
Sigon ni Bombo international correspondent Genelyn Chanjueco-Zeid, gibana-banang mukabat sa 15 ngadto sa 17-mil pisos ang kantidad sa kada-ticket nga paliton kada-sudlan nga stadium ug dugangan pa sa grabe kamahal nga mga pagkaon.
Gawas niini, grabe pa kahugot sa siguridad sa kinatibuk-ang Olympic venues tungod kay bisan og duna ka na’y QR code sulod sa mga gated-venues, dili pa gihapon basta-bastang makasulod sa mga establisamiento nga anaa sa sulod sama sa mga restaurants kung wala’y dala nga accreditation pass.
Swerte na lang sa mga Olympic volunteers sama ,kaniya tungod kay libre na sila sa tanang mga venues diin sila ipang-assign kada-adlaw.
Kini nga oportunidad, iya na matud pang gigamit aron lang matud-an ang nahimutangan sa Philippine delegation apan lisod tu-uron tungod sa hugot nga siguridad.
