BUTUAN CITY – Nadugangan na og bronze medal ang unang duha ka medalyang bulawan nga nakuha sa Team CaraGold kagahapon alang sa arnis ug discuss throw subay sa nagpadayong Palarong Pambansa 2024 sa Cebu City.
Kini human nasakmit kaganinang buntag sa tulo ka mga magdudula sa Arnis Anyo Team Synchronized Single Weapon Category Secondary Boys ang bronze medal.
Lakip sa nagdula sa maong event sila Jay Jade Babor, Khent Joemer Cagulada ug Aaron Oliver Sacurom ubos sa pagdumala ni coach Rodrigo Gibalay.
Ning mga orasa duna pa’y ubang mga dula nga nadag-anang Team CaraGold nga gilangkuban sa volleyball secondary boys kondiin napildi nila ang Region 3.
Daug usab sa elimination round MIke Clifford Tesoro batuk sa taga-Region 5 alang sa boxing bout 20-kilograms Junior Boys Pinweight 46 to 48-kilograms.
Daug usab sa chess elementary grls-standard ang pambato sa Caraga nga si JewelJane Labadan batuk sa iyang ka-atbang nga Region 8 sa score nga 1-0.
Ang susamang event, nadag-an usab ni Jamilla Mae Comanda batuk sa Region 7 sa score nga 1-0.
