BUTUAN CITY – Padayon pang gisuta sa Bureau of Fire Protection-Caraga Esperanza Fire Station ang kinatibuk-ang damyos human gilamoy sa kalayo kagabii ang tulo ka mga lawak-tunghaan sa Hawilian Elementary School sa Brgy. Hawilian, lungsod sa Esperanza, Agusan del Sur.
Sa eksklusibong pakighinabi sa Bombo Radyo Butuan, gibutyag ni Fire Officer 2 kon FO2 Rodel Somarina nga taud-taud pa adiser nila narespondihan ang maong hitabo human nga nakita na lang sa iyang ka-uban ang residente sa maong barangay nga nag-Facebook live.
Tungod kay 11-kilometros ang gilay-on sa maong barangay gikan sa ilang fire station nga samutan pa sa kadanlog sa dalan tungod sa ulan ug kalubak niini, rason nga tulo na ka classrooms ang nalamoy sa kalayo.
Nadeklara nila ang fire out nga anaa lang sa first alarm, pasado alas-9:20 na sa gabii.
