BUTUAN CITY – Gikumpirma ni Kapitan Rowena Cantancio sa Brgy. Amparo ning siyudad sa Butuan nga si Pastor Joseph Montefalcon ang gipatawag sa magti-ayong Hallasgo alang sa hearing niadtong adlaw nga sila gipamusil-patay.
Madumdumang ang mga biktimang sila Dina Enriquez-Hallasgo, 48-anyos ug Sulficio Go Hallasgo, 57-anyos, parehong residente sa Purok-7, Brgy. Doongan nito ring lungsod, midalikyat sa dapit nga nahitabuan alang unta sa pagtambong sa ilang gipatawag nga hearing kondiin ang pastor maoy respondent.
Sa eksklusibong pakighinabi sa Bombo Radyo Butuan, gibutyag ni Kapitan Cantancio nga waa madayon ang hearing human mihangyo si Pastor Montefalcon nga ire-schedule kini tungod kay duna siya’y tambungang meeting rason nga nasabutan nila tali sa mga reklamante nga himuon unta kini karong semanaha.
Gipasabot sa kapitan nga pipila na ka mga residente sa Purok 5 sa ilang barangay nga sakop na sa asosasyon ang gipatawag sa magti-ayong Hallasgo tungod kay sila man ang duna’y Special Power of Attorney sa 5 ka ektaryang luna nga gitukuran sa kompanyang Papermills.
