-- ADVERTISEMENT --
BUTUAN CITY – Gipanghimakak ni kanhi Presidente Rodrigo Duterte ang unang gipadayag sa anak niining si Vice President Sara Duterte Carpio nga dungan silang mulansad sa iyang duha ka mga anak nga sila si Congressman Pulong ug Mayor Baste isip Senador sa 2025 midterm Election.
Gibutyag sa kanhi Presidente nga dili siya mudagan, ug wala na matud pa siya’y interest sa politika. Dugang pa niini, dili matud pa motuo kang Vice President Sara tungod kay gi-jamming lang niini ang publiko.
Gibutyag usab ni Duterte nga wala na siyay panggasto kung mulansad pa siya, ug hambog nalang matud pa ang nabilin kaniya.
