BUTUAN CITY – Ang mga tawong supak lang sa gipakusgang pagpanakop sa Butuan City Transportation and Traffic Management Department (CTTMD) sa mga motorcycle drivers nga naka-tsinelas lang apil na sa ilang angkas, maoy magbagutbot niini.
Sigon ni Ramy Barry Mero, vice chairman sa Butuan United Commuters’ Association, gi-adaptar lang sa lokal nga panggamhanan ang Administrative Order No. 2008-015 sa Land Transportation Office kon LTO alang sa kaayuhan sa mga motorcycle riders apil na sa ilang mga angkas.
Nag-unang tumong niini ang paglikay sa posibleng disgrasya ilabina sa posibleng pagkasangit sa tsinelas diha sa kadena sa motorsiklo.
Kung lantawon lang matud pa objectively, mas angayang ikalipay kini sa tanang mga motorista tungod kay wala matud pa’y laing tumong niini ang local government kondili ang kaluwasan sa tanan.
