BUTUAN CITY – Malampuson ang gihimong pagbisita ni Besi Presidente Sara Duterte dinhe sa siyudad sa Butuan kagahapon.
Sigon ni Police Col. Marco Archenue, City Director sa Butuan City Police office nga walay untoward incident nga nahitabo atol sa pagbisita sa secretary sa Department of Education.
Natahasan matud pa sila nga mohimo og seguridad pinaagi sa pagdeploy sa mga personahe sa kadalanan og sa Barangay Manila De Bugabos diin gibisita ni VP Sara ang Sta. Cruz Elementary School. Gibutyag pa ni Police Col. Archenue nga nahimong malampuson ang paghatag niini og seguridad sa ikaduhang pangulo sa nasud tungod sa kumpletong resources og mga tawo ilabina kay gi-anticipate man ang tanang posibleng mahitabo atol sa pagbisita niini
Nasayrang kagahaapon sa buntag sa dihang gibisita ni Vice President Sara Duterte ang Sta. Cruz Elementary School sa Barangay Manila De Bugabus aron sa pormal nga paglusad sa Garden to Table School Business Model. Mihimousab kini og ceremonial harvesting sa nasangpit nga eskwelahan ug labing gikalipay niya nga naka pilot ang nasangpit nga tunghaan sa programa.
Ang business model sa Sta. Cruz Elementary School para sa Garden to Table nga programa ang napili nga representante sa syudad para na sa Go Negosyo: Pampaaralang Taniman ng mga Agribida nga usa ka inisyatibong programa sa opisina ni VP Duterte.
Nag unang tumong sa programa nga maka-produce sa masustansyang gulay ug prutas nga ihatag sa mga malnourished nga bata sa komunidad.
