BUTUAN CITY – Dili pa makadawat si Editha Karen sa nahitabo sa iyang igsoon nga gipanigbas -patay sa kaugalingon rang pag-omangkon bandang alas 6:00 kagabii sa may Purok-5C, Barangay Antongalon ning siyudad sa Butuan.
Sigon ni Maam Editha sa eksklusibong pakighinabi ning sibyahan nga wala gayud siya magdahum nga madangatan sa iyang igsoon nga si Pablo Roca, purok president sa maong lugar ang mangil-ngig nga kremin gikan pa gayud sa iyang pag-omangkon nga si Maximo Ramirez, menyu residente usab sa maong dapit.
Emosyunal nga gihulagway ni Editha ang namatay niini nga igsoon nga usa ka bootan og daling masampit. Apan daw mananap lang matud pa kining gitigbas sa suspek sa makadaghang higayon hinungdan sa kamatayon. Tungod niini,desidido silang pasakahan og kaso ang suspek aron dili na makagawas pa sa prisuhan.
Gisaysay usab sa nakasaksi nga si Alyas Dodong ang panghitabo. Sumala pa niini nga upat silang mga batan-on ang unang gikasab-an sa biktima tungod sa wala kapasiga sa suga rasong dali usab nila kining gipasiga diin nadunggan nila nga nangasaba usab kini sa suspek diin ang ilang balay dool lang sa poste.
Apan wala pa sila kapasiga sa ikaduhang poste sa dihang nakita na niya ang biktima nga gigukod padulong ngadto sa basakan hangtud nga natumba kini. Gusto unta nila kining doolon apan sa dihang nakita nga dunay sundang ang suspek, nangayu nalang sila og makatabang kanila.
Nadungog pa niini nga nangayu og tabang ang biktima apan nakabsan gihapon kini sa kinabuhi.
