BUTUAN CITY – Giandam na sa ahensya sa Philippine Drug Enforcement Agency kon PDEA Caraga ang mga gikinahanglan alang sa himoong pagsunog sa mga nakumpiska nga illegal nga drugas sa Caraga Region ingon man sa mga non-drug items nga nakuha sa mga gipahigayon nga raid sa rehiyon karong umalabot nga Hunyo 14, 2014.
Sumala pa ni Dindo Abellanosa, tigapamaba sa nahisgutang ahensya, gikan matud pa ang maong mga illegal nga drugas sa nagkalain-laing korte sa Caraga ingon man nagkalainlaing petsa ug tuig usab, dugang niini nga duna pay uban nga dili pa nila masunog tungod kay kamulo pa man sa pagligid ang kaso niini, rason nga dili pa mahatagan og permit ang maong ahensya gikan sa Korte. Pasabot sa maong opisyal nga ang mga pangsunugon nga drugas, kadto lamang mga nahuman na ang kaso sa Korte.
Gikabutyag usab sa maong opisyal nga padayon pa ang inventory sa ginsakpan sa laboratory section sa PEDA-Caraga arun masiguro gayud nga ang mga sunugon, mao gayud kadtung mga nakuha sa mga drug raids.
