BUTUAN CITY – Gi-anunsyo sa International Boxing Association kon IBA nga maghatag sila og prize money ngadto ni bisan kinsa mang mahimong Olympic champions ug medalist sa Paris Olympics.
Sigon sa IBA, makadawat og $100,000 ang gold medalist samtang $50,000 ang sa silver medalist ug $25,000 sa bronze medalists.
Sigon ni IBA president Umar Kremlev, makadawat usab og $25,000 ang ilang National Federation apil ang ilang coach.
Nasayrang dili mag-host ang IBA og boxing tournament sa Paris Olympics human sila gitangtangan og pag-ila sa International Olympic Committee ning mi-aging tuig.
Ang maong lakang sunod sa anunsiyo sa World Athletics nga maghatag sila og $50,000 nga cash prizes sa mga mukampyon.
Magsugod ang Paris Olympics sa Hulyo 26 hangtud Agosto 11.
