BUTUAN CITY – Halos ma-ugdaw ang usa ka karaang semi-bungalow sa San Francisco Street, Purok-1. Barangay San Ignacio, Butuan City bandang alas 7 ang takna sa gabie karogn adlawa.
Sumala ni Mr. Kokie Azura, anak sa tag-iya sa maong balay nga si Danilo Azura, 73-anyos, kansa atua sa Amerika, walay gikataho nga namatay o na-angul gumikan sa maong sunog. Dugang pa, luwas nga naka ikyas gumikan sa maong insidente ang lima ka mga namuyo sa maong balay nga puros mga parente lamang ni Danilo.
Sigon usab sa inisyal nga imbistigasyon sa Bureau of Fire Protection-Butuan, faulty wiring matud pa ang hinungdan sa nasangpit nga pagka sunog sa maong balay.
Kahibaloang walay nadamay sa maong sunog, bisan kon ang likod niini kay mga residential buildings na, tungod kay duna may fire wall ang kasikbit niini nga panimalay.
Alayon niini, dali ra natabang ang maong sunog tungod kay dali raman nga naka responde ang mga kabomberohan sa ning syudad tungod kay pila lamang ka metros gikan sa maong sunog, mao naman ang Central Fire station sa butuan.
