BUTUAN CITY – Nakigalayon na ang ahensya sa Overseas Workers Welfare Administration kon OWWA ngadto sa mga pamilya sa tulo ka mga Overseas Filipino Workers kon OFW nga namatay atul sa baha sa Dubai ning Miyerkules, alang sa repatriation sa nasangpit nga mga patayng lawas.
Sumala sa Department of Migrant Workers nga naila ang mga namatay nga sila si Danny Casipong, Jennie Gamboa ingon man si Marjorie Saquing. Sigon ni OWWA Administrator Arnell Ignacio, dali silang nakig alayon sa mga pamilya sa mga OFW nga namatay ug giplastar gilayon ang repatriation process sa mga niini.
Gikumpermar usab sa maong opisyal nga namatay si Casipong human nahulog sa sinkhole, ingon man sila si Gamboa ug Saquing usab, namatay tungod sa suffocation sa ilahang sakyanan.
Gisaad usab ni Ignacio nga malupad na sa Pilipinas ang patayng lawas sa tulo sa panahon nga ma cleard na ang mga papel alang niini, tungod kay sa karon, bisan kon wala nay kusog nga mga ulan sa maong dapit, wala pa man gihapon nawala ang taas nga baha.
