BUTUAN CITY – Personal nga nanawagan sa Bombo Radyo Butuan ang usa ka amahan sa paglaum nga makita ang iyang anak nga mi-ambak sa barko sa niaging semana.
Saysay pa ni Rey Heyrana nga taga Barangay Abilan, lungsod sa Buenavista, Agusan Del Norte nga niadtong miaging Sabado, Marso 9, milarga pa-manila ang iyang anak nga si Reymart Heyrana, 25-anyos, olitawo.
Apan pagka-ugma, domingo, sa dihang gipahibalo nalang sila nga miambak matud pa ang iyang anak sa barko sa kalawrang bahin sa Oriental Mindoro. Dunay kauban matud pa kining taga Barangay Dumalagan ning siyudad sa Butuan apan nakatulog siya sa dihang kini miambak.
Gikumpirma na matud pa sa kadumalahan sa maong barko nga miambak ang iyang anak. Nakig-alayon na usab ang amahan sa Philippine Coastguard apan wala pay update kung nakita naba ang iyang anak.
Kagabii sa dihang nakabalik na ang maong barko sa pantalan sa Nasipit, Agusan Del Norte og mohangyu kini nga motan-aw sa CCTV.
Kini dayung pagbutyag nga dili katoohang miambak ang iyang anak tungod kay tarung man kining migikan sa ilang balay.
