BUTUAN CITY- Balhog sa prisohan ang usa ulitawo kansa misulay og palusot sa ginadiling droga sulod sa Butuan City Police Station 1 sa front gate sa Purok 5 brgy Diego Silang dakbayan sa butuan bandang alas 12:20 sa sayong kabuntagon ning adlawa Marso 12. Sumala sa impormasyon nga atol sa pagbisita sa nahisgutang suspetsado sa maong Station facility , nakuhaan kini ug 1 ka sachet sa ilegal nga drogang shabu human nakit-an kini sa iyang gidala nga Cellophane nga dunay sulod nga mga coffee stick diin ihatud unta kini sa usa ka PDL o piniriso sa maong pasilidad.
Muabot sa usa ka gramo ang gibug-aton sa gituohang shabu nga dunay market value nga balor sa P6,800 Pisos. Gi-ila ang maong suspetsado nga si Clarence B. Jandoc 23-anyos, dunay kapuyo, wala’y trabaho ug residente kini sa Purok 2A, Tuway, Brgy bonbon, ning syudad sa butuan. Samtang mag-atubang karun og kasong pagsupak sa Republic Act no. 9165 kon Comprehensive Dangerous Drugs Act of 2002 ang maong suspetsado.
