BUTUAN CITY – Ning kabat sa 2,393,600 Pesos ang kantidad sa gituohang ginadiling drugas ang nakuha sa mga kapulisan sa kamot sa usa ka suspek sa Surigao City, Surigao del Norte human sa malampusong drug buy-bust operation niini.
Naila lamang ang suspek sa alias nga ‘Lim’, 51 anyos, ug residente sa Barangay Taft sa nasangpit nga syudad. Nakuha sa maong suspek ang 21 ka sachet sa gituohang ginadili gna druga kansa ning timbang sa 352 gramos.
Alayon niini, gikataho usab sa Police Regional Office 13 nga usa ang nasangpit nga suspek sa high-value individual nga ilahang gi manmanan, ingon man lakip usab kini sa top priority target sa ilahang ahensya tungod sa mga dinagko niini nga transaksyon sa shabu.
Sa kasamtangan, anaa na ang nasangpit nga suspetsado sa kustudiya sa Surigao del Norte Police Provincial Office alang sa tukmang disposasyon.
