BUTUAN CITY – Padayon ang imbestigasyon sa kapulisan sa pagpamusil sa mga trabahante nga nag-harvest og mga bunga sa palm tree sa Mt. Magdiwata, Purok 1, Brgy. Bayugan 2, San Francisco, Agusan del Sur nga mikalas sa duha na ka kinabuhi samtang usa ang anaa sa kreitikal nga kahimtang samaron.
Naila ang mga namatay nga sila Rolando Ayaton, usa ka parmol loader nga taga Purok-4 Barangay Libuac ug Jimmy Boy Lucero, ulitawo, parmol loader nga taga Purok-7 Brgy Maligaya, parehong sakop sa Rosario, Agusan Del Sur samtang ang kritikal nga anaa karun sa ospital mao si Daniel Galemba, parmol driver, taga-Purok-3 Brgy. Maligaya sa susamang lungsod.
Nasayran nga pasubida na unta ang mga biktima aron magkarga sa mga bunga sa palm tree ngadto sa trak dihang gi-ambush sa upat ka mga lalaki nga armado sa tag-as nga kalibre sa armas.
Mibalos pa ang security escorts apan dili matud pa makaya sa ilang armas rason sa ilang pagdagan.
