BUTUAN CITY – Gipangunahan ni Pangulong Ferdinand Marcos Jr. ang distribusyon sa mga land electronic titles kon e-titles ingon man Certificates of Land Ownership Award kon CLOAs, apil na ang turnover sa mga certificates sa farm-to-market roads ug farm machineries and equipment (FMEs) didto sa Prosperidad, Agusan Del Sur kaganina.
Atol sa maong programa nga gipahigayon sa Datu Lipus Macapandong Cultural Center, nang-apod apod ang Department of Agrarian Reform kon DAR og kinatibuk-ang 3,184 ka mga titulo sa yuta ngato sa mga representante sa 2,769 ka mga Agrarian Reform Beneficiaries kon ARBs alang sa 4,659 ka ektaryang agricultural land ngdto sa lima ka mga lalawigan sa Caraga Region, ang Agusan Del Norte, Agusan Del Sur, Dinagat Islands, Surigao Del Norte ug Surigao Del Sur.
Samtang ang mga certificates sa farm-to-market roads nga gipunduhan og P194,411,786.00, gihatag usab ngadto sa mga representante sa 34,998 ka mga benepisyaryo gikan sa mga lungsod sa Cagwait ug Barobo, pulos sakop sa Surigao del Sur.
Gawas pa kini sa mga certificates sa 70 ka mga farm machineries and equipment (FMEs) ngadto sa mga representante sa kapin 1,600 ka mga recipients ug mga Agrarian Reform Beneficiaries Organizations.
Sa iyang pagpamulong, gipadayag ni Pangulong Marcos nga ang maong mga benepisyo pamatuod lang sa wala’y katapusang commitment sa iyang administrasyon ngadto sa repormang agraryo alang sa kaayuhan sa tanang mga Filipino ilabina sa mga sektor sa agrikultura.
Gipasigarbo pa sa pangulo nga ilawom sa iyang termino, mi-abot na sa 90,000 ka mga land titles na ang nahatag sa Department of Agrarian Reform sulod lang sa tuig 2023 kansa halos doble sa target nga 50,000 ka mga titulo.
