BUTUAN CITY – Gikumpirma ni Police Captain Anne Cubio, tigpamaba sa Butuan City Police Office nga napasakaan na og kasong paghupot og ilegal nga druga kansa paglapas sa section 11 sa Republic Act 9165 kon mas nailang Dangerous Drugs Act of 2002 ang babayeng nasapong nagdala og shabu nga gipalaman niini sa pantyliner dihang bisitahon na unta niya ang iyang ka-ipon sa may Butuan City Jail sa Purok 3-A, Jail Road sa Brgy. Libertad ning siyudad sa Butuan.
Madumdumang niadtong ala-1:55 ning mi-aging Martes sa hapon, nakuha sa gihimong strip search gikan kang Victoria Devino Josue, 49-anyos, dalaga ug residente sa Purok 1, Brgy. Antongalon ning siyudad sa Butuan ang usa ka sachet sa kumpirmado nang shabu dihang bisitahon unta niya ang npriso niyang ka-ipon nga si Archimedes Orosco, nga nag-atubang usab og kasong may kalabutan sa ilegal nga druga.
Gibutyag ni Captain Cubio nga nagnegatibo ang suspetsado sa gihimong urine drug test kaniya.
